Fræðsla, ráðgjöf og handleiðsla fyrir foreldra og fagfólk

Á Hlöðuloftinu er boðið upp á fræðslu, ráðgjöf og handleiðslu fyrir foreldra, kennara og annað fagfólk sem vinnur með börnum og unglingum. Slíkur stuðningur getur verið gagnlegur þegar upp vakna spurningar eða áhyggjur af líðan, hegðun eða þroska barns, jafnvel áður en ljóst er hvort þörf sé á formlegri greiningu eða meðferð.

 

Markmiðið er að hjálpa fullorðnum að skilja betur hvað getur legið að baki hegðun barnsins og hvernig erfiðleikar birtast í daglegu lífi — heima, í skóla og í samskiptum við aðra. Veitt er fræðsla og handleiðsla um ýmiss konar vanda sem getur haft áhrif á líðan og hegðun barna, svo sem kvíða, tilfinningalega erfiðleika, skynúrvinnslu, taugaþroska og tengsl. Jafnframt er unnið með hvernig slíkur vandi getur haft áhrif á sjálfstjórn, félagsfærni, nám og samskipti.

 

Lögð er áhersla á að veita hagnýt ráð og raunhæf verkfæri sem auðvelt er að nýta í daglegu umhverfi barnsins. Með auknum skilningi og skýrari leiðum til stuðnings skapast betri grunnur fyrir öryggi, samvinnu og vellíðan — bæði fyrir barnið og þá sem standa því næst.