Forystuhestar

Staðsetning : Samskipahöllinni Kópavogi

6.- 10. júlí (5 dagar) Fyrir hádegi (9:00 - 12:00)

6. - 10. júlí (5 dagar) Eftir hádegi (13:00 - 16:00)

Aldur börn 10-13 ára

 

Forystu hestar er sumarnámskeið fyrir börn og unglinga þar sem unnið er með hestum til að efla sjálfstraust, félagsfærni, tilfinningastjórn og leiðtogafærni í öruggu og styðjandi umhverfi. Námskeiðið er ætlað börnum sem vilja styrkjast félagslega og tilfinningalega, eiga stundum erfitt með kvíða, óöryggi eða sjálfstraust, eða gangast betur að læra í virkni og reynslumiðaðri nálgun en hefðbundnu námsumhverfi. Námskeiðið hentar einnig börnum með taugaþroskafrávik, félagslega erfiðleika eða frávik í skynúrvinnslu. Á námskeiðinu læra þátttakendur hvernig samskipti, líkamstjáning, ró og sjálfstraust hafa áhrif á bæði dýr og fólk. Hestarnir veita börnunum nálægð án gagnrýni eða fordóma og skapa þannig einstakt tækifæri til náms og sjálfsþekkingar. Börnin fá að takast á við verkefni með hestunum sem efla samvinnu, lausnaleit, ábyrgð, hugrekki og tilfinningastjórn. Áhersla er lögð á að byggja upp jákvæða upplifun af tengslum, árangri og þátttöku. Námskeiðið byggir á rannsóknum og aðferðum úr animal-assisted interventions eins og Eagala, Experiential learning og leiðtogafærniþjálfun fyrir börn. Rannsóknir benda til þess að vinna með hestum geti aukið sjálfstraust, bætt félagsfærni, dregið úr streitu og aukið sjálfsvitund og tilfinningastjórn hjá börnum og unglingum. Námskeiðið sækir einnig innblástur í hugmyndafræði á borð við „7 Habits of Highly Effective Kids/Teens“, þar sem áhersla er lögð á ábyrgð, samvinnu, markmiðasetningu og styrkleika hvers einstaklings. Kennt er í litlum hópum þar sem vellíðan og jákvæð reynsla eru í forgrunni. Engin reynsla af hestum er nauðsynleg og námskeiðið felur ekki í sér reiðkennslu heldur samskipti, verkefni og tengsl við hestana á jörðu niðri. Forystuhestar er námskeið fyrir börn sem þurfa ekki að verða „best“, heldur fá tækifæri til að verða öruggari, sterkari og hugrakkari í eigin skinni.  

 

​

Lestrarhestar

Staðsetning : Samskipahöllinni Kópavogi 

13. - 17. júlí (5 dagar) Fyrir hádegi (9:00 - 12:00)

13. - 17. júlí (5 dagar)  Eftir hádegi (13:00 - 16:00)

Aldur: 10-13 ára

​

Lestrarhestar er sumarnámskeið þar sem hestar eru nýttir til að efla lestraráhuga, sjálfstraust, einbeitingu og vellíðan barna í tengslum við nám og lestur. Námskeiðið er ætlað börnum  sem vilja styrkja tengsl sín við lestur og nám í jákvæðu, rólegu og hvetjandi umhverfi. Námskeiðið getur sérstaklega hentað börnum sem hafa misst trú á eigin getu í skóla, upplifa lestrarerfiðleika, kvíða tengdan námi eða læra betur í gegnum reynslu, hreyfingu og tengsl. Á námskeiðinu vinna börnin með hestum í verkefnum sem tengjast sögum, tungumáli, hlustun, samvinnu, lausnaleit og sjálfstrausti. Hestarnir skapa einstakt námsumhverfi þar sem áherslan færist frá frammistöðu yfir í þátttöku, tengsl og upplifun. Börnin fá tækifæri til að upplifa árangur, ró og öryggi í námi á eigin forsendum og læra að treysta betur eigin getu. Lestrarhestar byggir á kennsluefni Horse Powered Reading®, ásamt rannsóknum á experiential learning, félags- og tilfinninganámi (SEL) og animal-assisted interventions. Rannsóknir benda til þess að reynslumiðað nám með dýrum geti aukið innri áhugahvöt, sjálfstraust, einbeitingu, félagsfærni og jákvætt viðhorf barna til náms.

 

Námskeiðið leggur áherslu á að börnin upplifi lestur og nám sem eitthvað lifandi, skapandi og merkingarbært í stað þess að tengja það eingöngu við pressu eða mistök. Kennt er í litlum hópum þar sem vellíðan, öryggi og jákvæð reynsla eru í forgrunni. Engin reynsla af hestum er nauðsynleg og námskeiðið felur ekki í sér reiðkennslu heldur verkefni og samskipti við hestana á jörðu niðri. Lestrarhestar er fyrir börn sem þurfa að upplifa að þau geti lært á annan hátt — með hreyfingu, tengslum, reynslu og trú á eigin styrkleika.   

 

Leiðbeinendur:  Námskeiðin eru leidd af Þorkötlu Elínu Sigurðardóttur sálfræðingi og Jóhönnu Magnúsdóttur hundaþjálfara, sem sameina reynslu sína af meðferð, fræðslu og vinnu með dýrum til að skapa öruggt, styðjandi og reynslumiðað námsumhverfi fyrir börn og unglinga.

Þorkatla Elín Sigurðardóttir er sálfræðingur og eigandi Hlöðuloftsins, þar sem hún sérhæfir sig meðal annars í áfallamiðaðri meðferð, EMDR og meðferð með stuðningi dýra en áður starfaði Þorkatla sem skólasálfræðingur. Hún hefur fjölbreytta reynslu af vinnu með börnum, unglingum og fjölskyldum og hefur lagt sérstaka áherslu á að þróa meðferðar- og meðferðarleiðir þar sem tengsl við dýr eru nýtt til að efla sjálfstraust, tilfinningastjórn, félagsfærni og vellíðan barna. Þorkatla hefur einnig sótt sér sérþjálfun á sviði animal-assisted interventions, meðal annars í vinnu með hesta og hunda í meðferðarvinnu.

Jóhanna Magnúsdóttir er reyndur hundaþjálfari með mikla þekkingu á samskiptum manna og dýra, hegðun, þjálfun og velferð hunda. Hún hefur mikla reynslu af því að vinna með börnum og fjölskyldum og leggur áherslu á jákvæða nálgun, öryggi og virðingu í samskiptum við dýrin. Jóhanna kemur að uppbyggingu verkefna þar sem börn læra í gegnum tengsl, ábyrgð og samvinnu með dýrum. Sameiginleg sýn leiðbeinenda er að skapa umhverfi þar sem börn geta upplifað öryggi, tengsl, árangur og gleði í gegnum reynslu, náttúru og samskipti við dýr

​

*Til að taka þátt þurfa börn að geta unnið með öðrum í hóp. Ef barnið þarf á auknum stuðningi að halda t.d. í skóla eða öðru starfi er ráðlegt að skoða frekar einstaklingsþjálfun. Mikil áreiti eins og hljóð, lykt og snerting fylgja þessari nálgun og því mikilvægt að aðstandendur meti sérstaklega hvort námsunhverfið henti barninu.  Ef þú villt frekari upplýsingar um hvort námskeiðið henti þínu barni má senda póst á hloduloftid@gmail.com