EMDR áfallameðferð
fullorðnir og börn

​

EMDR stendur fyrir Eye Movement Desensitization and Reprocessing og er gagnreynd sálfræðimeðferð sem er sérstaklega þróuð til að vinna úr áföllum, erfiðum lífsreynslum og þeim einkennum sem geta fylgt langvarandi streitu eða yfirálagi. Aðferðin byggir á AIP-líkaninu (Adaptive Information Processing), sem gerir ráð fyrir að heilinn hafi eðlilega getu til að vinna úr reynslu og geyma minningar. Þegar einstaklingur verður fyrir álagi eða áfalli getur sú úrvinnsla hins vegar „strandað“, þannig að minningar, tilfinningar, líkamsviðbrögð og neikvæðar skoðanir haldast virkar löngu síðar.

Í EMDR er unnið markvisst með þessar minningar og tengd viðbrögð þannig að heilinn geti unnið úr þeim á öruggari og heilbrigðari hátt. Meðferðin getur meðal annars dregið úr kvíða, streitu, áfallaeinkennum, sterkum tilfinningaviðbrögðum og neikvæðum sjálfsmati.

EMDR er viðurkennd og gagnreynd meðferðaraðferð sem studd er af fjölda rannsókna og er meðal annars mælt með af World Health Organization við meðferð á áfallastreitu. Aðferðin er notuð víða um heim bæði með börnum, unglingum og fullorðnum.

Hjá Hlöðuloftinu er EMDR unnið bæði í hefðbundnu meðferðarumhverfi og, þegar það á við, með stuðningi dýra. Þegar unnið er með hestum er stuðst við EquiLateral®, sem er sérhæfð og gagnreynd nálgun í EMDR-vinnu með hestum. Þar er tenging einstaklingsins við hestinn er nýtt á markvissan hátt til að styðja við öryggi, líkamsvitund, tilfinningastjórn og úrvinnslu á erfiðri reynslu. Aðferðin byggir á bæði áfallatengdum rannsóknum, taugalíffræði og rannsóknum á áhrifum af nærveru við dýr á lífræðilega viðbrögð eins og einbeitingu, slökun og úthald.