H l ö ð u l o f t i ð
Sálfræðistofa fyrir börn og foreldra
Mín nálgun
Börn geta sýnt krefjandi hegðun þegar þau ráða ekki við kröfurnar sem gerðar eru til þeirra. Hegðun barna hættir að vera erfið þegar þau ráða við þær kröfur sem við gerum.
Því ætti að leggja áherslu á að vinna með kröfur en ekki hegðun.
Þorkatla Elín Sigurðardóttir sálfræðingur
​
Sálfræðistofa í hesthúsi
Hlöðuloftið er með viðtalsrými á tveimur stöðum, á Lífsgæðasetur í St. Jó í Hafnarfirði (Suðurgata 41) og á Sörlaskeiði 32 sem er í hesthúsahverfinu í Hafnarfirði. Við sérhæfum okkur í að vinna með börnum með óhefðbundnum en gagnreyndum aðferðum þegar það á við. Flest viðtöl fara fram á stofunni í St Jó en þegar valið er að nýta nálægð við dýr í meðferðarskini þá fer sú vinna fram í hesthúsinu á Sörlaskeiði.
Nálægð við dýr gerir meðferðina oft meira spennandi fyrir mörg börn auk þess sem það getur flýtt fyrir árangri. Umhverfið hentar þó ekki öllum, sérlega ekki þeim sem eru með dýraofnæmi . Nálægð við hesta er t.d. nýtt til að útskýra félagsleg samskipti, draga úr streitu eða vinna með traust en ekki er farið á hestbak.